Сандра Булак

Сандра Булак
англ.: Sandra Bullock
Дата нараджэння	26 ліпеня 1964(1964-07-26)[…] (60 гадоў)
Месца нараджэння	Арлінгтан, Вірджынія, ЗША
Грамадзянства	ЗША  Германія
Маці	Helga Meyer[d]
Муж	Джэсі Грэгары Джэймс[d]
Адукацыя	Усходне-Каралінскі універсітэт Washington-Liberty High School[d]
Прафесія	актрыса, кінаактрыса, рэстаратар, кінапрадзюсар, сцэнарыст, тэлеактрыса, бізнесмен, актрыса агучвання, тэлепрадзюсар, кінарэжысёр
Узнагароды	Crystal Award[d] (2005) Прэмія Гільдыі кінаакцёраў ЗША зорка на галівудскай «Алеі славы» Jupiter Awards[d] Залатая маліна
IMDb	ID 0000113
Медыяфайлы на Вікісховішчы

Сандра Булак (англ.: Sandra Bullock, нар. 26 ліпеня 1964) — амерыканская актрыса, адна з самых папулярных і высокааплатных зорак Галівуда. Дэбютавала ў кіно з нязначных роляў, з’явіўшыся ў такіх творах, як «Каты» (1987) і «Руйнач» (1993). Акцёрскім прарывам Булак стала адна з галоўных роляў баявіка «Хуткасць» (1994). У наступным актрыса зарэкамендавала сябе ў 1990-х дзякуючы галоўным ролям у рамантычных камедыях «Пакуль ты спаў» (1995) і «Мігаценні надзеі» (1998), а таксама ў трылерах «Сетка» (1995) і «Час забіваць» (1996).

У 2004 годзе актрыса здымалася ў фільме «Сутыкненне», стваральнікаў якога Амерыканская акадэмія кінематаграфічных мастацтваў і навук (Беверлі-Хілз, акруга Лос-Анджэлес, штат Каліфорнія, ЗША) узнагародзіла 5 сакавіка 2006 года залатой статуэткай «Оскар» за найлепшы фільм 2005 года.

У наступныя дзесяцігоддзі Булак дамаглася далейшага поспеху з камедыямі «Міс Кангеніяльнасць» (2000), «Каханне з паведамленнем» (2002) і «Прапанова» (2009). У 2010 годзе стала ўладальніцай «Оскара» ў намінацыі «Найлепшая актрыса» за ролю ў фільме «Нябачны бок», таксама ўдастоена «Залатога глобуса» за гэты ж фільм. Яна была намінавана на прэмію «Оскар» яшчэ раз за ролю касманаўткі, якая апынулася ў космасе, у навукова-фантастычным трылеры «Гравітацыя» (2013), які з’яўляецца яе самым касавым фільмам дасюль.

У 2010 годзе Булак была ўключана ў спіс 100 самых уплывовых людзей па меркаванні часопіса Time, а ў 2015 годзе была прызнана самай прыгожай жанчынай.

Спасылкі

• На Вікісховішчы ёсць медыяфайлы па тэме Сандра Булак
• Сандра Булак на сайце «Internet Movie Database» (англ.)